Op Dinsdag, 2 April, het Hoërskool Ermelo se eerste seunshokkiespan die tweede kwartaal op ‘n hoë noot afgeskop.

EHS het in hul tweede ligawedstryd vanjaar kragte gemeet teen Hoërskool Piet Retief in ‘n baie gelyke stryd waar albei spanne uitstekende hokkie opgelewer het.

Adriaan Olivier het tydens die eerste helfte van die wedstryd ‘n doel vir EHS geskiet en na ‘n strawwe wedstryd het die Erries as oorwinnaars van die veld gestap met ‘n eindtelling van 1-0.

Baie geluk aan elkeen van die seuns met die oorwinning.

Die EHS is trots op julle!

Foto bo: Charles Randell