Op Donderdag, 5 April, het Hoërskool Ermelo die skool se honderd-en-vyfde bestaansjaar gevier.

Na 105 jaar ervaar Hoërskool Ermelo die genade van ons Hemelse Vader steeds ewe mildelik as toe die skool destyds tot stand gekom het. Die Erries staan in absolute afhanklikheid en dankbaarheid voor die Here, danksy die seën waarvan die skool jaar na jaar kan getuig.

Saam met wonderlike leerders, bekwame onderwysers, ondersteunende ouers en ‘n gemeenskap wat bankvas agter die Erries staan, streef EHS daagliks daarna om nog hoër hoogtes te bereik.

Dankie aan elkeen wat deur al die jare en vandag steeds help bou aan Hoërskool Ermelo se sukses.

“Ons was, ons is, ons BLY die ERRIES!”

Foto bo: Me. Betsie Vermeulen, mnr. Pieter Grobler, mnr. Willem Romijn met Nicole Venter en Francois du Plessis in die agtergrond

 

Die personeel van Hoërskool Ermelo word bederf tydens pouse op die skool se verjaarsdag