Altus Boshoff, graad 8-leerder van Hoërskool Ermelo, het op 19 Oktober aan die WOW-spelfees se nasionale kampioenskap in Stellenboch gaan deelneem.

Altus was een van drie Mpumalanga-verteenwoordigers en het sy streek en sy skool se naam hoog gehou. Altus val ongelukkig in die vyfde ronde uit en behaal ‘n twintigste plek landswyd.

“Ek sien uit om volgende jaar harder te werk en nog beter te vaar,” sê Altus. Baie geluk, Altus! Die Erries is trots op jou.