Op Saterdag 27 Oktober het die jaarlikse Mpumalanga SANESA prysuitdeling op Badplaas plaasgevind. Walter van der Walt, graad 8 EHS-leerder, is aangewys as die Victor Ludorum vir Hoërskole Ruiters.

Surika Struwig, ook ‘n graad 8 EHS-leerder, het die prys ingepalm vir die Victrix Ludorum vir Hoërskole-ruiters. Sy het ook die trofee gewen vir die meeste punte by die Mpumalanga Nasionale vir Hoërskole-ruiters.

Margha Greyling (graad 9) het, ten spyte van ‘n erge val tydens Mpumalnga Nasionale, steeds aangehou met deelname.

As gevolg hiervan ontvang Margha ‘n spesiale prys vir dapperheid. Sy ontvang ook twee trofeë vir onderskeidelik die beste ruiter in Prex Caprilli en die beste ruiter in Equitation.

Surika en Margha kry elkeen ‘n trofee vir Handy Hunter.

Surika, Margha en Walter wen die kategorie vir die beste Hoërskool en verower vir EHS ‘n besondere sesde plek in Suid-Afrika!

Baie geluk aan die ruiters.

Die Erries is besonder trots op julle.