Die netbalspanne van Ligbron Akademie vir Tegnologie in Ermelo, het op Vrydag en Saterdag, 8 en 9 Junie 2018, aan die Mpumalanga skole netbal uitspele deelgeneem wat in Witbank plaasgevind het. Die spanne het volgehou en aangehou en tot die bittere einde van elke wedstryd hulle alles gegee. Die volgende tellings is behaal: die eerstespan verloor 16-28 teen Hoërskool Nelspruit en wen met 18-13 teen HTS Witbank. Hulle dring deur na die kwartfinale, maar val ongelukkig vas teen Hoërskool Lydenburg en verloor met 20-21. Die o/14A span verloor 2-20 teen Hoërskool Nelspruit en verloor 9-16 teen HTS Middelburg en val uit na afloop van hulle poelwedstryde. Die o/16A’s wen 24-1 teen Lowveld High en wen 11-6 teen HTS Witbank. Hulle speel in die kwartfinaal teen Hoërskool Bergvlam en wen 20-4, waarna hulle deurdring na die semifinale teen HTS Middelburg en met 5-14 verloor. Die o/16A’s dring deur na die finaal en speel uit vir posisie 3 en 4 teen Hoërskool Middelburg en wen die wedstryd 12-7. Hulle eindig dus 3de in Mpumalanga en dring sodoende deur na die Top Schools Championships (SA’s vir Netbal) wat vanaf 20 tot 21 Julie by Hoërskool dr EG Jansen van Boksburg sal plaasvind. Die Top 3 spanne van al 9 provinsies speel tydens hierdie toernooi teen mekaar.

Foto bo:

Van links na regs (voor): Illené vd Walt, Selaelo Owethu, Jané Bosman

Van links na regs (agter): Melandri Blaauw, Thandiswa Nhlapo, Esphia Pretorius, Thandeka Khumalo, Siphosethu Mkhwanazi